立法會工程界代表何鍾泰博士嘅大名，噚日出現在一份入稟狀內，而且重係被告人㖭。話說有一間巴拿馬註冊嘅顧問公司，在入稟狀內指何博士同埋一位生意拍檔──前港事顧問黃良會博士，喺千禧年同該公司簽咗約，合作做顧問生意，又分別收咗佢六十九萬二千和六十萬八千貸款，作為佢哋何黃交通顧問有限公司應急之用，但就一直冇履行合約，所以訴諸法庭云云。
八方喺立法會搵到何博士，佢就話係對方想入股佢哋嘅公司，今次係對方惡人先告狀，唔排除會告番佢喎，何博士又話可能呢幾年經濟唔好，所以對方要追番啲錢。
（圖）立法會工程界代表何鍾泰昨日被入稟追討款項。
E-mail：