小小超李澤楷旗下的電訊盈科，其財務總監潘毅仕（DavidPrince）在三月份電盈業績公布時也同時表示，基於私人理由，做到五月就會返老家英國，由馬時亨接替佢嘅工作。
呢位在香港電訊時代已在任的理財專家「王子」（Prince）（香港電訊員工給潘毅仕起的外號），一向甚受小小超器重，小小超於前年接手時，更畀佢同張永霖簽一份全新的三年期合約，要有一年解約通知期。
今次「王子」返老家，好多行內人士都估佢返老家做乜嘢？話口未完，八方噚日收到英國大東電報局的公布，委任佢做大東的財務總監兼董事，七月正式上任，地位同當時身兼大東執行董事的張永霖有過之而無不及。咁唔怪得，佢要放棄在港掘金，寧願返老巢繼續玩。
大東正值轉型階段，既然「王子」連負債纍纍的電盈盤數都搞得掂，相信大東盤數都唔會難到佢。八方順道在此祝佢前程似錦。
E-mail：