早前亞Mark曾經提過，話富士汽車想響九龍區開多間新Showroom，但就一直未見落實，加上原來嘅話事人EddyWong，轉投去咗嘉信汽車做CEO，亞Mark重以為件事會因而擱置落嚟。但就想唔到富士代理響陣前易帥下，新Showroom依舊照開，而且重無巧不成話咁，搵咗原有嘉信代理韓國大宇汽車，響尖沙嘴柯士甸道嘅陳列室舊址㖭！雖然個Showroom尺碼就細啲，但話晒鄰近有唔少汽車陳列室，自然會吸引到啲新客去睇車㗎！至於富士個新Showroom嘅開張日期，就經已擇日響下星期三（5月22日）開幕，屆時重會請來日本富士車廠嘅代表做嘉賓㖭！屆時亞Mark都會抽空去索下料，睇吓佢哋嗰部全新嘅Forester，究竟何時會抵港嘛！