下載手機Logo，除了個人特定的喜好外，通常最受歡迎都是新推出的Logo，好似早前E.T.回歸，連帶手機Logo亦特別多人Download。而今期最紅的就一定係美國經典漫畫主角蜘蛛俠，皆因電影版近期正在本港上畫。食正呢股蜘蛛俠熱潮，怕且個個都爭住要將佢Load落部手機度！
記者：招佩珊 部份攝影：陳偉強
要數懷舊又夠經典的卡通Character，真係講到口水乾都未必數得晒。至於可以Load落部手機做Logo亦有不少選擇，今日就參考各Logo下載網站所提供的受歡迎指數及非正式的統計，精選7個最經典的公仔Logo畀你跟住Download。
（1）數碼通/EXTRA
ShortCode：*#121*（圖像編號）#
WAP網址：
WEB網址：
（2）One2Free
ShortCode：#100#
WAP網址：
WEB網址：
（3）Orange
ShortCode：*92030/*92060
WAP網址：
WEB網址：
（4）新世界
ShortCode：#106*（圖像編號）#
WAP網址：
WEB網址：
（5）ClubNokia
WEB網址：
講到近期最紅，非蜘蛛俠莫屬。由漫畫到電視卡通到真人演繹劇集，蜘蛛俠已經誕生了40年，而電影版正在本港上畫。蜘蛛俠熱潮已殺到埋身，唔單止周邊產品一大籮，連手機都唔放過，將佢個嘜頭搬上身。
（數碼通/EXTRA$5）
雖則20周年紀念落畫無耐，但呢齣經典電影就算再過多20年，相信仍記憶猶新。印象最深刻的，會是一句「E.T.PhoneHome」抑或一隻會發光的手指？不過講到最經典，當然是騎單車飛過天空呢一幕。
（新世界$3）
香港終於都有姆明漫畫的中文版出現，順勢亦有一大堆跟住上。而手機除了掛手繩外，亦可以加多個屏幕圖案湊熱鬧，而且重成個家族一次過Download落手機。
真替呢一代小朋友可惜，無緣欣賞精采的卡通片──好似大力水手，當年都係因為要學佢食大力菜，突然愛上一向唔多好食的菠菜。
（ClubNokia2個積分）
數到懷舊公仔，迪士尼當然必入十大，無論你屬於邊個年代都一定會識，永遠長青永遠受歡迎。米奇美妮、小魚仙、唐老鴨或者高飛狗都是一班熟悉的主角，但原來白雪公主亦有不少捧場客。
（One2Free$3）
一隻世界上經常被貓追，但每次都可以憑佢聰明才智化險為夷的雀仔－－翠兒，以前有無傻到諗住自己都可以養番隻呢？
（新世界$3）
成日都睡眼惺忪兼且只顧食的大食懶加菲貓，今次竟然拋棄佢老友阿的，搵埋佢女朋友齊齊亮相。
（Orange$4）