八方早前讚過新世界傳動網以「百駿好合、年生貴駒」金帖來宣傳「動力馬房」遊戲，噚日個遊戲記者會地點，係喺號稱「全港最新最大Ｋ場」的新冶，都算夠心思。
同上次比較，今次預備畀嘉賓的紀念品亦頗有心思，用一個金色「囍」紙袋，裝住兩個橙、一個奇華禮餅、同埋一個動力馬房公仔，十足結婚擺酒排場。但最過癮的，莫過於是將於今日出街的廣告，兩個版本各有特別，一樣咁好笑。兩個主角「古松丸」同「竹千理沙」各演出一個，其中以古松丸嗰個算幾大膽，至於點大膽？八方不便多講，大家只要諗到呢個係配種遊戲，便可意會到。
（圖）「動力馬房」主角當然是兩隻馬「古松丸」同「竹千理沙」，但新世界傳動網行政總裁衞鳳文（右）亦功不可沒；左為負責遊戲軟件設計的Imoeba行政總裁郭秉鑫。
E-mail：