八方噚日去董事學會，因為佢哋正式公布第二屆傑出董事獎提名期開始。該會今年搞這活動特別有意義，因為去年底美國發生安然（Enron）事件後，逐漸多人關注董事責任問題，所以特意去睇吓呢個活動。今次，大會為了廣泛宣傳，除了舉行記者會推介外，並特別設計了「傑出董事獎」的標誌，標誌中「董事」兩個字的字款以「董」字最突出。據該會行政總裁徐尉玲同八方解釋，「董」字代表負責任、問責性的傳統價值觀。咦，乜咁似董特首近日催谷的高官問責制？唔通真係咁啱？
八方入場時，除收到大會新聞稿外，亦有人塞咗一叠單張來，原來係專做董事個人保險的美亞保險公司有份贊助今次活動。據佢哋的助理副總裁趙崇榮同八方講，安然事件後，佢哋隻董事個人保險產品好賣咗，皆因有陳啟宗個「人辦」畀大家睇。
（圖）董事學會主席鄭慕智話安然事件後多人關注董事責任問題。
E-mail：