今次EPSON展館最多嘅新機唔係Printer，而係四部唔同級數嘅投射機，至於打印機方面，則將會展出兩部新型號打印機，不過機能及詳細資料尚未公布。場內會有四名衣着鮮明嘅靚女Model協助推廣旗下產品，喺十九日即電腦展最後一日，EPSON新代言人Twins重會到場，俾入場人士影相，不過未知會唔會即場獻唱，可算係Fans接觸偶像嘅大好機會。
Longrand今年仍是以手寫板為主力產品，除咗一系列小蒙恬產品外，重有新推出嘅手機小蒙恬，方便用家輸入大量中文電話簿資料。另一重點產品就係Logitec新推出嘅影音喇叭，場中重會以THX音響制式重現電影臨場感。除此以外，Longrand亦會派出旗下ImageGirlIvy到場，作產品示範。
記者：徐影龍