繼陳慧珊、周嘉玲、任葆琳和廖碧兒後，郭羨妮亦成為Neutrogena護膚品代言人。該品牌起用的代言人都是大學畢業生，而郭羨妮的廣東話，亦是五人中最純正的一個。
護膚品牌Neutrogena日前找來郭羨妮任最新代言人，Neutrogena一向喜用形象健康、曾在外國留學的大學生藝人任代言人，如任葆琳、周嘉玲、陳慧珊和廖碧兒等。
以往的任葆琳畢業於哈佛大學、陳慧珊則是波士頓大學畢業生，而郭羨妮於溫哥華西蒙非沙大學工商管理系畢業，Neutrogena的發言人日前說：「我哋廣告嘅代言人都係要有學識同埋有美貌，郭羨妮就梗係有晒，而且重有一樣嘢係佢比以前四個代言人好嘅，就係佢嘅廣東話最好。」
難怪身為Neutrogena最新代言人的郭羨妮日前自豪地說：「我諗因為我係港姐，有代表性，又係時代女性，獨立有主見之餘，既開心又健康，所以佢哋搵我。」
郭羨妮日前到油塘一間影樓拍攝Neutrogena新一輯潔面廣告，她穿上白色衣服歡天喜地在影樓穿梭，她說：「我由朝早十點拍到凌晨四點，要連續拍十八個鐘，應該冇問題嘅，因為拍劇訓練得多，唔覺得辛苦，重舒服過平時拍劇，進度幾好，唔使好多take。」
郭羨妮乃是Neutrogena五位代言人中廣東話最好的一個，她笑說：「我細個喺香港住過，大個之後先移民，所以我廣東話咁正囉！」
採訪：楊潔雯
攝影：黃文偉