Twins日前以獵人裝束為內地樓盤拍廣告，獲得高達七位數字的酬金，在廣告中二人會以電腦效果配合，拍攝跳傘和打保齡的場面。當廣告推出時，Twins還會配合宣傳活動，順道發展內地市場。
二人組合Twins日前在柴灣為內地順德嘉信城市廣場拍攝電視廣告，二人並得到七位數字的酬金。廣告中，蔡卓妍（Charlene）和鍾欣桐（Gillian）都穿上獵人裝束，在鏡頭前做出扮跳降傘和打保齡球的動作，然後再配合電腦效果。這個廣告將於本月底推出，香港和內地都會播放。
問到廣告的酬金，Twins異口同聲說：「好理想，係我哋出道以嚟最高嘅一個廣告，有七位數字。廣告商話年底重會有廣告宣傳，費用話高達千萬喎。」至於廣告商為何會選用Twins，她們的經理人霍紋希（Mani）說：「廣告商話見到佢哋好開心，佢兩個嘅形象好適合一家大細，大家都好鍾意。呢個廣告推出時，會配合大型宣傳活動，公司重會安排佢哋發展內地市場。」
Charlene對拍此廣告笑言：「最好就送層樓畀我退休時用，唔係話我想退休，只係未雨綢繆，平時我搵到錢都會儲起。」不過買車和買樓，Charlene比較喜歡買車，因為可以四圍去，她說：「我好想自己揸車，可惜之前考筆試『肥佬』。」
此外，Twins日前花了十二小時拍廣告，都只是對鏡頭做戲，然後再配合電腦效果，屆時廣告中Twins會變成在廣場內跳降落傘和打保齡球，雖然沒實景配合，但她們卻拍攝得異常投入，問二人可習慣這樣做戲？Charlene說：「我拍《西遊記》時都慣晒咁做。」
採訪：卓美娟