八方禮拜日閒來無事，開電視睇吓由靚太楊瀾主持的《楊瀾訪談錄》有乜好嘢，發現今期楊瀾訪問的嘉賓，正是身在上海出席亞洲開發銀行年會的金融管理局總裁任志剛，一於要睇吓呢位香港金融圈重量級人物有乜嘢講。
可惜，八方睇晒整個訪問，內容卻冇乜特別，楊瀾不外乎要任總講吓當年點樣砌到整個聯繫滙率制度出嚟、佢自己又點樣重視自由市場等。
但當楊瀾問任總咁耐以來有冇諗過跳槽？任總竟突然爆句「其實自己已經賺夠了」，再加上當金管局總裁呢個位置實在機會難逢，所以從無考慮過跳槽咁話。
嘩，金管局總裁呢個位大嗱嗱八百萬港元年薪，又點會話未賺夠？
E-mail：