ComeMon以芒聞名，在場內將會展出多款新型號LCD，較受注目係全港首部具有DVI數碼插頭嘅17"LCD，到時可親眼目睹DVI制式嘅美觀程度。除一般LCD外，ComeMon亦會展示另一主打系列Plasma等離子電視。展館內重會擺放一部真車，讓入場人士坐上，試玩最新嘅CarPC（汽車電腦），冇錢買都可率先感受吓喺車入面用Windows嘅Feel。最後一提，凡參觀人士，均可免費玩電腦遊戲及獲得精美禮物，不過詳情仍未公布。
以掃描器為主嘅Mustang，喺會場內展出多部新款掃描器，當中部份機以4,800×2,400dpi超高質素為主力賣點，尤其ScanMaker4900，不但光學掃描能力高，具有48bit色深及設有燈箱等功能，而且機身體積算係同級中最薄，夠晒慳位，即場買機重有震撼優惠價$1,399，算係幾抵玩。即場重會大派禮物，種類多又實用，入場人士記住昅實喇。
記者：徐影龍