天氣一轉濕熱，又係昆蟲滋生出沒嘅旺季，女士們對蟑螂蚊螆等當然會避之則吉，不過美麗活潑嘅蝴蝶、蜻蜓或甲蟲，就會覺得佢哋Cutie趣致。若然將這些可愛嘅昆蟲造型，以真金純銀配埋彩色晶石，變成女士們最愛的首飾，就算俾佢哋飛上身纏上頸，相信你都絕對無任歡迎。在眾多首飾中，以晶瑩星物料配襯銀的首飾最為小記推崇，售價經濟顏色鮮豔，絕對是襯衫好拍檔！
記者：許穗齡
攝影：陳偉強
Model：Crystal
晶瑩星於香港約有2年歷史，是由德國入口的高級物料，再由香港加工製造成為飾品，其特點是色彩鮮豔、顏色多變。今年昆蟲首飾大熱，將此物料鑲嵌在純銀上，七彩繽紛的效果令其發揚光大。
小蜜蜂經常活躍於花叢間採蜜，終日同鮮花形影不離，呢款頸鏈就充分表達出小蜜蜂和花朵不可分割嘅親蜜關係。以純銀製的五瓣花，連着鑲有紅綠色晶瑩星的蜜蜂，加埋純銀鏈，戴上頸頓時充滿夏日青春氣息。
售價：$520（銀河明星）
蝴蝶未長大成形之前係一條毫不起眼、甚至可以稱得上為醜怪嘅毛蟲，不過見過呢款蟲蟲襟針後你可能會改觀。毛蟲襟針以純銀製，鑲有黃色及紅色的晶瑩星，毛蟲形態似繞着葉片蠕動，夠晒活潑跳脫。
售價：$368（銀河明星）
除了蝴蝶之外，近年較熱門的昆蟲形態必屬蜻蜓，雖然唔及蝴蝶花枝招展，不過就勝在有線條美。呢款純銀蜻蜓頸鏈就鑲有淺橙色及淺綠色的晶瑩星，線條簡潔優美，一大一小的蜻蜓，戴上頸活潑動人，一啲都唔會太誇張或俗氣。
售價：$520（銀河明星）
要配襯昆蟲飾物，唔一定只係用花花草草，呢款甲蟲襟針就以心心配合，一樣咁富吸引力。甲蟲襟針以純銀製，鑲有彩色晶瑩星，再加埋心形圖案及用純銀勾出的曲線做襯托，生動得嚟又有線條美。
售價：$368（銀河明星）
昆蟲界中，蝸牛總予人懶洋洋、慢吞吞的感覺，絕對唔會令人討厭，再將佢嘅造型卡通化，變成呢款手鏈就更加可愛。蝸牛手鏈以純銀製，鑲有幻彩藍綠色的晶瑩星，全條手鏈更有一隻大蝸牛拖着三隻小蝸牛，造型非常可愛活潑。
售價：$420（銀河明星）
純白色的貝母同蝸牛殼有幾分相似，設計師將呢個共通點發揚光大，在圓形的貝母上刻上漩渦，加埋以純金製的蝸牛身，放在葉片上真係幾可亂真。貝母蝸牛系列除耳環外，重有吊墜同戒指，造型一樣咁神似可愛。
售價：約$620（JustGold）
如果你見親蜜蜂就會聯想起金黃色的蜜糖，呢款以純金製嘅蜜蜂手鏈就絕對啱你胃口。蜜蜂手鏈以足金製，以蜜蜂及花花為圖案，蜜蜂肚上更刻有橫紋，手工非常精細，手鏈本身唔算太粗，戴上手一啲都唔誇張。
售價：約$2,030（JustGold）
唔鍾意戴太大的飾物，呢款甲蟲戒指都係一個好選擇。戒指以足金製，甲蟲雕工當然精細，肚紋同圓點都齊備，最特別是甲蟲身下的綠葉，以綠色的琉璃製，晶瑩剔透，而且重可以自由轉動，充份表現出甲蟲活潑的一面。
售價：約$650（JustGold）
要數自然世界中最美麗嘅昆蟲，蝴蝶必定榜上有名，好似呢款SWAROVSKI水晶襟針，就以不同深淺度的粉紅色水晶鑲滿蝴蝶身上，以鍍金架勾劃出枝葉形態，再以翠綠色的水晶作襯托，兩者互相輝映之下，令整個襟針更富動人美態。
售價：$1,450（SWAROVSKI）
店舖資料：
銀河明星（27663747）
銅鑼灣皇室堡西武百貨地下
JustGold
客戶服務熱線：28957128
SWAROVSKI
查詢電話：25666301