好耐冇見教父P，上兩個禮拜響銅鑼灣街頭巧遇，原來成班職員收工後搶先去睇戲《蜘蛛俠》，傳聞教父P愛同員工打成一片，果然屬實。聽講遲啲《星戰》上映，教父P亦會力撐，電影公司曾想借佢啲收藏做宣傳。皆因《星戰》已脫離電影範疇，變成世界潮流，電影公司捉到路確係醒。
最近揭開六月號日本雜誌《StreetJack》，發現介紹銅鑼灣「孖L」同紐約「塗鴉K」合作件小飛俠Tee炒到萬二日圓，升咗成倍，香港牌子在日本炒得起好少有，之前唔知係咪有人收到風，一買幾件，今鋪真係發達。扔上日本網YahooAuction網可執唔少。
講開又講，銅鑼灣最近經常出現排隊情況，排隊買鞋同板仔嘢，漸漸成為後生仔生活一部份，同日本嗰邊冇乜分別。如果本地嘢肯多啲新諗頭，整多啲新搞作，谷旺個排隊巿，再配合埋二手店現金回收，到時銅鑼灣啲潮流地舖地租又升幾成。
主持人：大食Jack
八卦熱報：