前幾日警方高調入屋拉長毛，搞到成個社會鬼咁緊張，喺咁嘅環境下，法輪功噚日重上街遊行慶祝創立十周年，八方同好多行家都驚會出事。
噚日遊行嗰陣，八方就見到三個好生面口嘅人，舉住相機由頭到尾跟實遊行隊伍，見佢哋成個行家咁款，但廣東話發音卻唔多純正，又冇卡片交換，即時令眾行家好疑惑：唔通佢哋係內地密探，專登嚟睇吓法輪功有冇痛腳可以捉？
上前一問，佢哋答話來自《大紀元時報》。乜報？在場個個都話未聽過，但後來八方上網查查，先知原來真有此報。《大紀元時報》係總部設喺美國嘅華語新聞機構，在世界各地，歐洲、亞洲，包括香港同台灣都有分社，佢哋除咗有網上新聞之外，重有印刷報紙每周免費派發㖭。
﹙圖﹚呢位靚女記者來自《大紀元時報》，呢份報紙你聽過未？
E-mail：