梁詠琪（GiGi）原定日前要到日本拍戲，但因臨時取消，所以GiGi前日在母親節難得有假期陪媽咪和細佬吃飯慶祝。
問GiGi男友鄭伊健的母親是否也一起慶祝，她說：「我唔想多講，我覺得大家要畀多啲空間對方，而且各自同自己屋企人食重好，起碼唔使兩頭趕啦。」
此外，GiGi最新大碟《我住七樓A》將於本周五（十七日）推出。對於今次唱碟內的相片，GiGi十分滿意自己鄰家少女Feel，並說：「有唔少景係喺我屋企個廚房同鋼琴影，我個鋼琴對我真係好有意義，好似歌曲《花火》、《跳傘》都喺呢度作嘅。
「不過拍攝當日我要多謝媽咪，因為媽咪唔畀屋企啲狗走嚟走去，所以佢功不可沒。」