日本三菱車廠繼推出LancerEvolutionⅦGT-A新版後，早前提及過嘅Airtrek辣版TypeR型號，亦經已決定響下月（6月）10日，正式響日本本土發布。新車除用上一台240匹馬力輸出嘅4G632.0公升Turbo偈，而備受車迷所注視外，呢部AirtrekTypeR嘅造型，亦見強悍富辣味得多，尤其係頭冚右方加有Turbo偈嘅生風Intake導入口，以及四輪新款16吋跑車合金胎軨，重有四輪跑車懸掛配搭，令車高調低咗近35mm，予人看來倍見跑意之餘，佢重用上電子恒式四驅及一套5前速半自動波箱配搭，不論性能及行車表現，會較原有型號更見突出得多㗎！聽聞香港代理亦有意引入，有興趣嘅車迷就要耐心多等一會喇！