房協馬鞍山曉峯灣畔上個禮拜六開賣，之後各代理埋單計數，蘭西噚日問咗5大代理行佢哋促成交易宗數同佣金，但細心計算，發覺條總數竟然有1160宗，多過樓盤總數1124戶，究竟邊間報大數呢？
青衣區明日活動多，利嘉閣青衣城分行響12點開幕，下午就輪到中原灝景灣分行開記者會，原來佢哋獲華潤創業獨家委託做灝景灣尚餘單位嘅銷售代理。
近排唔少豪宅盤傾價到尾聲階段，市場已傳出易手消息。
壽臣山嘉碧苑10號屋，約3500方呎，市傳以3480萬元成交；另大潭BlueWater中層A室銀主盤，2750方呎，亦傳以2100萬元易手。
蘭西