話咁快四年一度的世界盃重有半個月就開鑼，相信唔少球迷已經請晒假留喺屋企追波睇。不過要開工嘅朋友都唔使失望，皆因市場上推出了一個全新的世界盃即時短訊服務，只要你開着手機，唔使上網、唔使打電話，都可以短訊形式即時接收所有世界盃最新戰況，幾時入球、邊隊贏波都可即時收到。
記者：劉耀祥攝影：陳穎Model：Marcella
由短訊王所推出的「世界波手機短訊王」，是特地為今屆世界盃而設的即時短訊服務。全程64場賽事都會為用戶直擊報道，不論係賽事中入球、有球員被逐出場等，都會即時以短訊傳至用戶的手機中。就算該場賽事沉悶非常，短訊王亦會以每場不少於6個短訊報道該場賽事發送往手機，而賽後評論就更加唔少得。
除有賽事即時資訊外，短訊王亦提供參賽球隊的球迷追捧指數，每日都會將最新追捧指數傳送到手機中。
另外，短訊王亦會於開場前提供形勢分析，睇波嘅時候就更加清楚雙方實力，咁就可以更加投入啦。而且於每場開賽前、半場、賽事完結後，都會以短訊通知你最新進程，令大家可以緊貼賽事發展！
申請「世界波手機短訊王」服務毋須上台，市面上多間電訊店舖都有分銷商發售。用戶只需一筆過支付卡面售價，例如$468的本地卡一旦開啟後，接收每個短訊都毋須再支付網絡商的過路費，但用戶如使用自動漫遊往其他國家，雖可收到世盃短訊，但每個短訊都會被網絡商額外徵收約$2的漫遊短訊費用。至於$980的中澳卡，其實唔止中國同澳門，只要你用所在國家的手機號碼作登記，全球各地都收到世盃短訊。
1.短訊唔識飛
若使用大陸飛線漫遊，當香港號碼飛線往大陸號碼後，大陸手機將無法收到世盃短訊。想確保身在大陸都收到短訊，就要購買$980的中澳卡，以大陸手機作登記。
2.英文機唔支援
世盃短訊不設英文版，英文手機無法睇到中文短訊。
3.改版機都唔得
即使使用中文機，但如果是中文改版機(如三星英文機A200私改中文版)，都無法全部顯示中文短訊。