被指為張曼玉與阿薩耶斯婚變第三者的梁朝偉（偉仔），昨日終於在機場現身，不過，偉仔表示未受第三者傳言影響心情，對於一切是是非非，不置可否。
張曼玉（Maggie）上周五發出聲明，宣布與法國導演阿薩耶斯離婚，有傳Maggie的好友梁朝偉（偉仔）是第三者。昨日上午九時許，偉仔出現機場，原來他準備前往台灣，為電影《天下無雙》宣傳。雖然近日他被傳是第三者，但昨日所見，他心情不俗，對記者提問皆有回答。
記：記者 偉：偉仔
記 ：被傳係第三者，有冇唔開心？
偉 ：冇唔開心，你鍾意點講就點講。
記 ：有冇打電話畀Maggie？
偉 ：冇。
記 ：Maggie事前有冇同你講過婚姻問題？
偉 ：冇。
記 ：覺唔覺得好可惜？
偉 ：人哋私人事，我唔會畀意見。
記 ：Maggie稍後會加入電影《2046》演出，再度合作會唔會尷尬？
偉 ：點解要尷尬？
記 ：傳聞話你係第三者喎！
偉 ：你哋自己估之嘛，你哋鍾意點講就點講。
偉仔說罷即匆匆入閘。
此外，前晚黎明從泰國返港，對於早前陳淑蘭（蘭子）接受有線訪問，自爆十一年前曾與黎明有一段情，事後蘭子表示擔心黎明為此會怪責她，未知黎明可會因此嬲怒？
黎明說：「唔好咁講，媒體係直接報道，冇乜好嬲。」不過，問到他對張曼玉離婚一事有何看法時，黎明即耍手擰頭說：「唔好叫我咁八卦啦，我唔夠瞓。」黎明此行是往泰國為世界盃MV做後期工作，而預計該MV會在一星期後推出。 採訪：馮美茵攝影：仇志德