𠵱家政界商界齊齊等緊「七一」倒數，當然唔係賀回歸五周年咁簡單，而係睇吓邊個有得玩「問責部長音樂椅」呢個遊戲。八方最近見到工商局局長周德熙，佢話最近成日要出埠，今個星期四就會去巴黎，開「世界貿易組織貿易部長會議」，重唔會帶埋老婆去。
咦，花都最近成為「緋聞之都」，唔知Ada（周太黃英琦）會唔會擔心老公同人去睇脫衣舞呢？但八方識咗周局長都好多年，知佢係錫老婆之人，肯定佢唔會（亦唔敢）行差踏錯。
去完花都，周局長六月又放假。𠵱家人人都等緊位，周局長為乜咁豁達？咁又啱，如果真係被點將做部長，到時可能連副手也未必有，𠵱家係時候養精蓄銳。
E-mail：