患上流行性感冒嘅民建聯主席曾鈺成，被迫過咗一個唔多健康嘅母親節。八方噚日喺旺角麥花臣球場見到佢，可憐曾主席咳個不停，鼻尖同嘴角通紅。不過，曾主席看來心情不錯，唔咳嘅時候都笑得好開心，又好心咁叫記者訪問時行遠啲，費事傳染。
咁曾主席母親節除咗要休息，重有乜嘢節目？「同所有母親食飯囉！」吓，曾主席有好多個阿媽？原來係指佢自己媽咪、囡囡嘅媽咪（即曾太）、同埋姪女嘅媽咪（即細佬曾德成太太）。哦，原來一家親食飯。另一邊廂，慈母去世不久、現在仍是獨身的陳婉嫻噚日就成個上午企喺街邊派木製工藝花畀市民，一口氣派成三千支。
（圖）雨褸加雨傘，三位嘉賓全副武裝為母親節嘉年華剪綵，左起為民建聯主席曾鈺成、工聯會理事長黃國健、副理事長陳婉嫻。
E-mail：