22歲時，你做緊乜？有人已經設立品牌，開廠做表了：講緊嘅係Zenith，對表有小小認識，都知表王Rolex的Daytona都曾用Zenith表肉幾十年，可算是Daytona舊愛（如今Rolex已自己生產Chrono表肉），品質早已得到大家認同及肯定。如果你重未識得Zenith，今次就要惡補一下，因為呢隻瑞士名表隨時上位。
記者：馮彥彰
唔使多講，買Zenith梗係買ElPrimero機芯先，因為機芯夠靚，加上夠歷史及夠經典。咁ElPrimero系列中：相信以Rainbow的FLY-BACK系統較合香港人戴，一來本地興潛水表，二來歷史又夠耐，原本是受法國空軍委託製造，在民間與軍事航空專家的協力下生產的飛航表，並獲得歷史最悠久的法國航空飛行俱樂部，指定其為標準計時器。附回零計時功能，磨沙鋼做的表殼、指針附夜光、磨沙鋼表帶、藍寶石水晶表面，而最靚可以話其測速度表盤，有夜光指針，晚上睇特別靚，防水深度就達100米。售價：$36.000
Zenith由GeorgesFavreJacot在1865成立，當時只得22歲，後於LeLocle設立工場製表。1875年時，工場人數已經是LeLocle的人口三分之一，可見其壯大，及後至70年代初期，石英表興起，整個瑞士鐘表工業遭受打擊，Zenith也賣給了美國人，一直到80年代末機械表再度興起，瑞士人才把Zenith買回來，並陸續推出多個系列名表。而它更是真正的「鐘表製造商」之一，即是指由生產手表從零件、機芯到表殼的開發、設計、生產一直到組裝皆能自力完成。此等規模公司，目前在瑞士包括Zenith僅有ROLEX、PATEKPHILIPPE、GIRARDPERREGAUX、JAEGER-LECOULTRE、PIAGET及A.LANGE&SOHNE等六家而已。到了1999年Zenith更加入全球最大的時裝精品集團LVMH，在強大財力下，品牌更受人注意。
可以去睇睇：
eBayISAPI.dll?ViewItem&item=866370560
一隻表最重要的就是機芯，即係所謂的表肉，而Zenith的機芯共有三種，當中只有兩種用在手表上：分別是ElPrimero及Elite表肉。當中最出名可謂1969年推出ElPrimero（即係西班牙文NO.1）後，成世界首個自動計時機芯，36,000次/小時的高效擺輪，其機芯的技術性能極佳，重比Rolex點名做Daytona表肉（其實開發表肉好貴，也極高風險，唔少公司都係買別廠機芯再改裝為己用。）改裝成RolexCal4030機芯！而繼ElPrimero之後，在1994年有Elite機芯，品質佳已是肯定，賣點反而放在超薄表肉，成一時佳話。
Zenith以計時出名，當中所謂Flyback簡指可快速歸零的功能，當按下計時按鈕時，一般表的操作是再按一下即可停止，再按另一個掣就歸零，若有Flyback功能，則按下另一個按鈕即快速歸零並立即進行計時，是Flyback的特有功能。
即將推出的多隻Zenith手表，都係以ElPrimero為主，而且更開始以多樣化形式推出市面，由顏色鮮豔到經典都有，最值得留意是價格上也略有調整，相信是向更高檔的市場進發。
本地表壇專欄作家，在唔同雜誌都有地盤，對表有一定狂熱的佘宗明，對Zenith情有獨鍾，皆因機芯靚，款及表殼都物有所值，也是自己常戴及最喜歡的，而初買手表的朋友，也可以買一隻研究一下，始終連表王五支火柴的Rolex也要買其機芯，可知物有所值！而價格一向不高，約在萬頭左右就有交易，總好過買一些虛有其表的手表。