我Apple姐早排都有留意東亞銀行主席李國寶婚外情單嘢，寶哥哥同廖創興銀行太子女廖碧欣歐遊搞到上流社會議論紛紛。李國寶太太潘金翠家族名下嘅藝林表行門外，日日都企滿晒記者，其實呢間藝林表行都已經有好多年歷史，我Apple姐間中都有幫襯。
好似早排我Apple姐行過，就俾我見到著名老牌建築公司「孫福記」媳婦吳珊寶，佢一身黑色套裝，拎住個Anya袋入表行買表。佢一坐低就睇Rolex（勞力士），然後又揀Chopard（蕭邦），不過左揀右揀都揀唔啱，雖然最終都買唔成，不過啲sales都非常有禮貌咁送佢出門口。