意大利珠寶品牌Bvlgari旗下的高級珠寶系列BvlgariCollectionInternationale，早前來港作巡迴展出，本報請來名模陳嘉容演繹當中全球獨一無二、共值逾千萬的精品，瑰麗鑽飾令試戴珠寶無數的陳嘉容也怦然心動！
意大利珠寶品牌Bvlgari經歷百年，由希臘銀匠發展成國際品牌。旗下的高級珠寶首飾系列BvlgariCollectionInternationale正舉行世界巡迴展，早前由羅馬空運到港，在香港Bvlgari專門店展出兩星期。
此系列超過二十套的名貴首飾，分別由黃鑽、紅寶及綠寶等珍貴寶石組成，全球獨一無二。Bvlgari香港區公關經理駱卓怡說：「Bvlgari係一個非常多元化而具格調嘅品牌，由首飾、腕表、皮具到香水都非常齊全，而其中嘅高級珠寶系列每一件都係全球獨一，用最好嘅寶石去展示最高嘅quality。」
本報請來名模陳嘉容（Eunis）穿上設計師JohannaHo的新裝，演繹多套瑰麗珠寶，Eunis對鑽飾愛不釋手。
Eunis說：「啲珠寶好名貴、好靚，尤其係珍珠配鑽石嗰套，感覺好清雅高貴，戴住都怦然心動。其實我早幾年都重係鍾意攞啲錢去買衫，𠵱家反而想儲錢買珍珠、鑽石，亦開始對首飾有興趣。」
身為模特兒的Eunis，經常有機會佩戴不同品牌的珍貴珠寶，Eunis表示永不會悶，她說：「女人同珠寶分唔開，我唔會覺得悶，反而多咗機會可以向專家請教，好似鑽石嘅cutting、寶石鑲嵌等等。好慶幸自己從事模特兒工作，有機會接觸價值千萬嘅珠寶，呢啲難得嘅經驗，係普通人一生都未必有機會接觸到！」Eunis更揚言有機會將會修讀珠寶鑑證課程，將興趣化為專業。
Bvlgari屬國際級品牌珠寶，除擁有富泰名人客戶，世界各地明星也對Bvlgari的設計趨之若鶩。今屆奧斯卡電影頒獎禮上，失意影后的澳洲女星妮歌潔曼（NicoleKidman）便是佩戴逾三千萬港元Bvlgari首飾出席，豔壓全場。而去年康城影展，楊紫瓊和李嘉欣亦曾獲Bvlgari贊助珠寶首飾。
意大利珠寶名牌Bvlgari家族源自希臘，創辦人銀器匠Sotirio其後由希臘移居意大利，並於1884年於羅馬開設首間專門店。其後由兩位兒子Constantion及Giorgio接手，為品牌引入寶石及珠寶設計。七十年代，Bvlgari走向國際，於紐約開設海外首間專門店，現時分店遍布全球二十個國家。
採訪：DebbieLum
攝影：ChanChiLam
化妝：KamenLeungofTripleEdge
髮型：RickyKwokofTripleEdge
服裝：ifromJohannaHo