呢個星期四開始，國際電腦展一連四天（16日-19日）在會展舉行，頭兩日供業內人士參觀，星期六、日開放給公眾，這幾天我們先來一個預覽。
近年acer產品路線不再局限桌面電腦，同時積極開發各類數碼產品，如手提電腦、內置中文OS嘅PDA、LCD、掃描器、光學滑鼠等，喺acer攤位除會展出，亦提供現場試用，包括最新未曝光嘅P4手提電腦TravelMate630，可算係一次產品大晒冷。
Canon今年多個主題都圍繞數碼影像，包括設有多款Canon入門級數碼相機、專業機配長鏡頭等試用，現場有靚女做Model，畀你任影唔嬲，影完重可即席製成襟章。Professional區除咗展示專業級數碼相機，重有專家示範攝影技巧，有心學影相就要留意喇。在唔同時間，會有各款贈品免費派發，包括環保袋、MemoPad、紙巾等。
Canon：靚機影靚女