證監會主席沈聯濤早前接受《蘋果》財經版訪問，講到上任四年來已差不多完成三大改革，包括證券法例、交易所合併及無紙化，原來佢嘅三大改革亦有段古。
八方最近睇剛出版的證監會季刊，文章引述今年二月沈主席喺澳洲一次演講，講到九八年十月佢初任證監會主席，正值金融風暴困難時期，要解決嘅問題一大堆，當時佢嘅一位好友、馬來西亞國際戰略研究院蘇彼博士同佢講：「在危機時不要試圖解決所有問題，只要揀最重要的三個。」因此沈聯濤就選定三個改革範疇。
沈主席以往出任金管局副總裁時，只識監管銀行，當轉任證監會時，一位前輩對佢話：「證券市場充滿貪婪與恐懼。」當時他不太理解，因為以往做銀行監管嘅思維係盡量迴避風險，相當於一場球賽嘅球證，但股市卻存在內幕交易、市場操縱及欺詐，因此監管者要設法阻止呢啲金融犯罪及逮捕違規者，角色猶如警察。由球證轉為警察，沈主席都要有段時間適應。
（圖）沈聯濤在金融風暴期間出任證監會主席，至今已差不多完成三大改革。
E-mail：