昨日母親節，本身既有位八十五歲高堂，自己又身為人母嘅民政事務總署署長李麗娟，接受電台訪問，回憶坎坷童年。Shelley（李麗娟洋名）媽媽真係好辛苦，因為養大咗九條化骨龍，Shelley排行第五，幸運地兄弟姊妹樣樣齊。不幸嘅就係Shelley在八、九歲時，父親生意失敗，由二、三千呎豪宅搬到去三百呎斗室居住，以前屋企擁有嘅酒樓、農場都冇晒。最艱苦時，全家都要去父親僅有的膠珠廠趕工，連九歲嘅Shelley都唔例外，所以Shelley自言細細個就有好強嘅自強不息精神。
媽媽對Shelley嘅影響都好重要，至今佢仍緊記母親教訓：「寧天下人負我，勿我負天下人。」所以朋友一直有增無減。媽媽又喺困難嘅環境中鼓勵佢讀大學，Shelley重勉勵時下年輕人要抓緊機會！講到自己七六年第一次做媽咪，Shelley感覺到係一生人最幸福嘅時刻，一放假就攬住孩子唔放。不過，佢不愧係「眾人媽打」，懇切告誡父母要了解新世代仔女嘅困難，最典型就係唔好以為𠵱家大學畢業，就一定有錢攞返屋企。
又講得幾啱。
E-mail：