兩位賢妻慈母──六年來悉心照顧燙傷女兒的馬女士，以及連續六年照顧寄養孩子的「眾人媽咪」劉太，在今日一年一度母親節，與讀者分享養兒育女的真摯感受。
「呢幾年每次見珊珊嗌傷口又痕又痛，幫唔到佢，真係好難過。所以好多時珊珊容易發脾氣、唔聽話同大大聲同我講嘢，我都會耐心教佢要乖，希望佢快啲好番同愈大愈懂事。」三十一歲的馬女士細說。
其九歲長女陳珊，六年前在家中被滾水嚴重燙傷，因得不到適當及徹底的治療，傷口潰爛並出現嚴重的疤痕增生，身心飽受折磨。馬女士靠丈夫在廣東和平縣耕田種菜養妻活兒，家境清貧，無力負擔愛女接受診治的費用，去年底遂帶小妮子千里迢迢來港求醫，在本報讀者捐助下，已先後接受兩次切除疤痕及植皮手術。
如今看見女兒康復進展理想，並可望重拾健康，馬女士由衷表示﹕「每個母親最大嘅願望係仔女健康快樂，𠵱家睇見珊珊冇再周身又痕又痛，噚日重同我講以後會聽晒媽咪話，令我好開心，真係覺得收到一份最好嘅母親節禮物！」
活潑鬼馬的珊珊在旁嚷着說﹕「我𠵱家冇錢送禮物畀媽咪同請佢食嘢，第日我大個做到警察賺錢，一定會買好多衫畀媽咪扮靚，重會煲湯畀佢飲，錫晒媽咪。」小妮子的承諾，逗得馬女士笑逐顏開。
另一位慈祥母親劉太，喜形於色地向記者表示﹕「加埋兩個親生仔女，最高峯嗰陣我曾經同時間湊五個細路仔，今日母親節令我覺得自己係眾人嘅媽咪，其實好開心，睇住佢哋由零開始咁慢慢成長，見到佢哋個個都好乖又有學識，就算離開咗屋企重會叫我做媽咪，打電話同我傾偈，就知道大家都好重視呢份感情。」劉太回想起孩子們對她親切的稱呼，不禁發出會心微笑。
現年四十六歲的劉太，與四十八歲的丈夫結婚二十二年，育有兩名分別二十一歲及十七歲的兒女。自九五年開始，夫婦參加了社會福利署舉辦的寄養家庭服務，照顧家庭出現問題的孩子，多年來曾先後照顧七名年齡由一歲至六歲的寄養孩子。
在今天的母親節，對於眾孩之母劉太來說，感受特別深刻。因為這六年多歲月，她除了負責孩子及丈夫的起居生活之外，還要照顧寄養孩子的成長及其健康狀況。在教導孩子的過程中，令劉太感到最困難是處理孩子的情緒問題，同時，每當遇見孩子們說謊話及反叛時，她便會十分勞氣。劉太認真地說：「對每個細路，包括自己嘅仔女都係一樣咁教法，放多啲時間陪啲細路，最緊要係賞罰分明，佢哋做錯咗要好有耐性講解，等佢哋識得自我反省。」
就讀中五的幼子Ricky坦言：「覺得媽咪好犀利，要湊咁多個細路重要做家務，希望早啲搵錢養媽咪答謝佢，唔使佢咁辛苦。」
暖流熱線
電話:29908688
傳真:23702192
電郵:
網址：