人生起落真係好難講，最緊要係永不放棄，而且要食腦。好似二十三歲嘅王致生，佢自組公司搞商場直銷，去年尾被周刊捧為年賺二百萬嘅創業奇才，但係好快就蝕到趴喺度，欠債一百二十萬兼要執笠，重搞到破產。不過王致生好快又度到條還債橋，啱啱出咗本勵志兼教人逆境求存嘅新書，幾日就賣咗成二千本。
佢本書係咪好好睇、好有商業智慧呢？八方唔敢亂講。佢噚日話畀八方知，有二十幾個讀者致電支持佢，所以佢食住個勢，唔單止準備再加印四千本新書，重話要寄埋畀特首董建華，同埋所有局長級高官睇，希望佢哋可以欣賞本書，幫佢推介下。
﹙圖﹚破產的王致生出書教人逆境求存。
E-mail：