從出道至今，林雅詩（Grace）共拍了三部露兩點電影，被人標籤為三級女星。眼見愛女胴體坦蕩蕩的露於銀幕，林雅詩母親Jenny有何感受？
林媽媽歎謂由難受變為接受，她對愛女說：「當初知道你拍嗰啲戲，真係嬲到要搵窿捐，連親友電話都唔敢聽，又同你冷戰，搞到大家關係好差。
「但始終我係你阿媽，連阿媽都唔體諒，重邊有人體諒你。我叫自己從另一角度去睇你，最終我明白你揀呢條路係有苦衷，所以𠵱家我惟有採取接受態度。
「不過我當然唔想你繼續走呢條路，因為怕你日後搵唔到好人家結婚。其實你好乖，好純品，只係永遠衰心軟，俾人𠱁兩𠱁就走去拍。Grace，媽咪知道你比以前識得珍惜自己，已經係一大安慰，若果你學識SayNo，媽咪就更加開心。」