鄧永鏘又名「上海鄧」和「雪茄鄧」，所以索性喺中環畢打街間「上海灘」隔籬開咗間「紅樓夢」，專賣古巴雪茄，噚日重請咗有四十幾年製造雪茄經驗嘅FelixMartinez在現場「整」雪茄，八方也去湊熱鬧。「雪茄鄧」話「新鮮」嘅雪茄同擺咗幾年嘅各有特色，可惜八方唔識欣賞。
鄧永鏘次次出場都有過癮嘢，呢排城中熱門話題係訂做皮鞋，佢即刻除咗對鞋畀八方睇。佢話呢對鞋喺英國出品，重特別叫師傅照住中國功夫鞋個樣嚟訂做，又係中西合璧。佢重話鞋裏面無寫住佢個名，但係就有三個皇冠。佢重話：「日日踩住三個皇冠，幾爽呀。」
﹙圖﹚鄧永鏘雪茄店開幕，展示在英國訂做的中國鞋，內有三個皇冠。
E-mail：