全新嘅平治C-ClassSportsCoupe自推出以來，一直成為車迷追捧嘅對象；而喺最近，廠方就公布咗有關C32AMGSportsCoupe嘅資料。此車不但擁有強悍富吸引性嘅造型外，354匹馬力更叫人為之讚歎不已。
從外形而言，呢部C32AMGSportsCoupe雖然保留有原來嘅車身線條，但就加裝有一套AMG跑車化大包圍、18吋跑車合金胎軨、跑車化懸掛組合，再加上一套雙出式排氣喉組合，一派高性能跑車形象完全表露無遺；而車廂布局亦與C32AMG一樣，同樣來得極富跑味，兼且吸引力十足。
不過，相信最吸引係呢部C32AMGSportsCoupe，採用上一台經過AMG強化嘅3199ccV6引擎，馬力輸出高達354ps/6100rpm，而扭力輸出亦達45.9kgm/4400rpm，配合一套輔有Speedshift功能嘅5前速自動波箱，難怪新車由靜止起步加速至100公里，需時都不過5.2秒，極速更可高達250km/h咁快啦。有興趣嘅車迷，就不妨留意新車會否抵港喇。