羅敏莊、周嘉玲、向海嵐、康華、吳文忻和關寶慧等，昨到尖沙嘴出席一間化妝、精品店Extravaganza的開幕禮。羅敏莊表示：「呢間舖係我朋友開嘅，嘉賓亦係由我負責聯絡，每個嘉賓都會有一隻二千幾蚊嘅表做禮物。」
吳文忻昨日表示，會找個經理人替她接洽工作，她說：「因為有經理人幫自己安排工作會比較方便，𠵱家我就傾緊一個內地廣告。」
此外，向海嵐對於今年港姐報名率偏低，她說：「其實年年港姐選舉，初期報名嘅人係唔會有好多，但臨尾就會多啲人去報名。至於今年海外佳麗報名唔踴躍，我就覺得本地都有唔少高質素佳麗，未必要全依靠外地佳麗，我相信港姐選舉始終有吸引力，因為無綫答應入圍都可以有一份工，喺呢個市道有咁嘅條件應該幾吸引佳麗。」