世界盃月尾開鑼，立法會班波牛議員波癮起，噚日約班官員踢番場友誼波，重隆而重之請咗煲呔曾主持開球禮，結果，議員隊請咗位外援建功，以一比○小勝。
議員同官員其實間中都經常有較量球技，互有輸贏，上一次議員隊以二比一勝，民主黨嘅鄭家富威風八面。但噚日，官員就派咗阿富嘅死對頭──助理警務處長張之琛去專門凍結佢，全場阿富去到邊，佢都跟到實，搞到阿富冇晒符，最後阿富重俾張之琛踩腫隻腳，跛吓跛吓離場。阿富大叫：「想唔到喺街頭示威以外，連喺球場上都要同差佬衝突！」
﹙圖﹚鄭家富（左）全場被張之琛（右）跟到實。
E-mail：