今日係母親節，作為子女的你，有無諗過向母親表達心意？嫌開口難為情，可以藉着一些小禮物傳達心意；唔知送乜的話，大可陪佢飲茶兼行街。經濟唔好？送支康乃馨或親自下廚整幾味亦花費無幾。總之這一天，只要拿出心思、誠意，阿媽一定會開心！
記者：區佩嫦
攝影：陳穎、陳偉強
芝伶
媽咪好錫我哋，成日帶我哋去街，媽咪，ILoveYou！
心水禮物：康乃馨
今日不妨借呢個水晶擺設，向媽咪講出心底話。菱形的水晶擺設上印有大大小小的心形圖案，不過最正係中間那句「錫晒您」，見到都覺得「冧」，媽咪睇到重唔錫到你燶！
尺寸：9cm高
售價：$250（抒堂）
若想公開表揚對媽咪的愛，呢個相架就最啱啦！全個相架用金屬製成，灰灰銀銀的顏色，配上火紅的玫瑰同"ILoveMom"及"#1Mom"，再放上媽咪的3R靚女相，媽咪收到真係甜到入心。
尺寸：16.5cm×12cm
售價：每個$499（Prince&Princess）
SWATCH特別為母親節推出名為「花不完的濃情孝愛」手表，表面及表帶以耀眼的金色為主，襯有花朵圖案，夠晒別致，最啱送畀愛花又追得上潮流的媽咪。此外手表更送上同樣印有花朵圖案的橙金色絲巾，重有教你打絲巾的小冊子，有手表又有絲巾，夠晒實惠。
售價：$450（SWATCH）
若然你的母親大人是貪靚鬼一名，耳環戒指一籮籮的話，呢個戒指架實幫到佢。戒指架用不銹鋼鐵線屈成雙手形狀，外形夠晒特別，可以將戒指套在「手指」上，方便存放之餘，又可以一次過Show晒啲戒指！
尺寸：15cm高、5.5cm直徑
售價：$80（TowngasAvenue）
呢部OMRON電子脈動按摩器，用低頻電療法通過人體傳送低頻電流，使肌肉伸縮，消除頸梗背痛的感覺，亦可改善血液循環，有咗佢，媽咪晚晚都舒舒服服啦！
型號：OMRONHV-F126
售價：$550（各大百貨公司）
單親、待業4個月
Daddy走咗之後，媽咪要打成三份工養我同細佬，即使患上骨刺都要為口奔馳，令到我好感動。媽咪！我會好好做人，唔會俾人睇死！
心水禮物：按摩器
男同性戀者
多謝媽咪一直支持我的性取向，你對我嘅愛，我一世都還唔清。多謝你定期捐款畀香港彩虹，我真係好感動，好多謝你！
心水禮物：我無錢買禮物，不過今晚會同你食飯！
藝人
每逢過時過節，我都要做Show，唔可以一家人食飯，今年終於有個少少嘅空檔同你慶祝母親節，喺度祝你母親節快樂、身體健康、萬事如意、心想事成……（下刪十幾句新年恭賀說話）。
心水禮物：我已經預備咗送隻手表畀你，希望你鍾意！
生命天使、自殺超過十次
一直以嚟媽咪都好似生命天使咁喺我身旁守護，雖然我倆的脾氣都非常火爆，但你都成日容忍我、支持我！我以後會珍惜自己嘅生命，努力克服食安眠藥的壞習慣，唔會再自殺，總之我真係好愛你！
心水禮物：我會請你食飯，相信你會好開心！
反叛少女、現懷孕
佗住BB先識得珍惜母愛。媽咪，以前我咁反叛，嫌你囉囌又嫌你煩！𠵱家我知道你煩我都係想我好，想同你講聲對唔住，我好愛你㗎！
心水禮物：今日我會同你影相，再送個相架畀你，等你日日見到我！
店舖資料：
OMRON
查詢電話：27962522
抒堂
太古城中心一期401號舖Log-on
查詢電話：25270027
SWATCH（23763902）
尖沙嘴廣東道30號地下GC舖
ThePalace,Prince&Princess（28360887）
銅鑼灣謝斐道509號銀座地庫商場40號舖
TowngasAvenue（23672707）
尖沙嘴新世界中心地下L030室