縱使Rosemary與母親Julie經歷了「棒打鴛鴦」，「母女不和」的傳聞，最終還是冰釋前嫌，是女兒遷就母親？還是母親開竅？一切從Rosemary二月因情緒不穩入院後開始。
Julie對女兒說：「自從新年，家人喺醫院不眠不休照顧你，大家好似終於領會到相處之道。最近一宗名流偷情新聞，阿媽亦終於明白乜嘢叫「戀愛大過天」，六十幾歲人都仍然要熱戀，更何況我個女只得二十歲。你嘅男友（Gordan），合唔合父母心意唔重要，因為係你揀，合心意嘅阿媽只會當係Bonus。
「時間，可以證明一切。十五年前，媽咪同爹哋為公司打江山，爹哋同你一樣，對我好多誤解，好多摩擦，十五年後佢多謝我當年所為佢做嘅一切。當年媽咪唔明婆婆點解要迫我學中文，今日我終明白婆婆苦心，但三十年後先識多謝佢一聲，已經太遲。儍女，媽咪唔係要控制你，𠵱家我做嘅一切，只係為你事業打好基礎，到你可以站穩腳時，媽咪會抽身引退。我期待有日你會向我講聲多謝，若有日你真係明白媽咪其實係為你好，過往嘅辛苦又有何干！」
此外，Rosemary昨天與男友Gordan同場演出fashionshow，Rosemary除示範泳衣外，與Gordan以情侶檔演繹高爾夫球服裝，但Gordan卻表現得十分避忌，演出後Rosemary更罕有地不接受訪問，而Gordan則說：「我唔會答嘢，一答嘢實有好大問題。」