何潤聯八八年在大一設計學院設計系畢業後，分別做過攝影助理和黑房工作。當時他住在粉嶺，辦公室卻在灣仔，每天花上三個小時在交通上。回想當年，何潤聯說：「嗰陣時，正因為住嘅地方距離工作嘅地方好遠，好嘥時間，每日工作成十個鐘，加上夜晚又要學攝影，返到屋企，就想瞓覺，好似每日都好攰咁。」
何潤聯覺得這樣的日子很無聊，想在生活模式上尋求一些轉變。後來，何潤聯到了廣州讀書和工作，不久更成為城中「名人」。
去年底，他以出眾的衣着，獲得「穿在廣州衣着品味精英大賽」的全場總冠軍。
贏取衣着品味獎，會否覺得為香港人爭光呢？何潤聯說：「其實都冇乜特別感覺，或者係地域上嘅唔同，香港一個普通人嘅衣着、打扮，在廣州人眼裏睇，有時會覺得好前衞，好有品味，我自己就係一個好普通嘅人。」
長期在廣州工作，偶然會想念香港嗎？何潤聯略略低下頭，然後搖搖頭，笑着說：「都冇乜掛住香港咯，事實上，（往返）兩個地方都好方便吖。」說完，他又繼續埋首打燈光的工作。