「你有冇掛住我！！」噚日八方打開報紙，赫然見到伏明霞「實物原大」嘅大頭相出現眼前，朱唇含笑，身穿白衣，手握一部橙色手提電話。呢啲都未算攞膽，最搞鬼嘅就係電話螢幕上出現咗「阿松」兩字，而喺佳人俏面旁邊重有一句手寫嘅說話：「你有冇掛住我！！」注意，除咗有兩個感歎號，重有兩個手畫嘅心心，問你死未？
呢個廣告昨日在兩份報紙上刊登，你可以話係霞女公開向阿松送秋波，但又可以話佢利用阿松賣廣告搵真銀。咁阿松知唔知霞女向佢真情告白呢？佢會好冧定好嬲呢？呢層八方就唔知嘞，只係知阿松噚日對呢個廣告嘅回應，只有短短八個字：「毫不知情，毫無關係。」
不過，八方晚上收到伏小姐嘅代表公關公司聲明，話伏小姐原來亦唔知情，重研究緊可能採取法律行動。
E-mail：