明天便是母親節，陳曉東昨日和母親齊接受電台訪問，當東東提到希望母親身體健康時，更眼泛淚光；而梅艷芳的母親則表示阿梅歷年送給她的母親節禮物，已放滿兩個保險箱。
陳曉東（東東）昨日帶同母親到港台接受節目《母親的心事》訪問。
東東母親在接受訪問時一直都表現得很緊張，不時用紙巾抹汗，東東亦非常體貼，經常輕擁母親，東東母親在訪問中大讚兒子是一個心地善良、堅強及愛錫家人的乖仔，對於兒子的負面新聞，她說：「難過就一定有，不過我畀佢入得呢行都預咗，總之問心無愧就得。」
東東亦將心底話說給母親聽，他謂：「總之希望媽咪身體健康，開開心心，我去到邊個心都會喺媽咪度。」說時東東眼泛淚光，在旁的東東媽媽亦非常感動。
至於梅艷芳母親梅媽昨日則到新城電台接受薛家燕主持的節目《家天下》訪問，梅媽更特別準備了一份稿，談做母親的心情及責任，梅媽表示縱使人家說她萬般不是，她都一笑置之，公道自在人心，她亦專誠帶了一些健腎湯包派給在場人士，梅媽說：「咁大家咪可以煲湯畀媽咪飲。」
問到梅媽阿梅會如何與她慶祝母親節？梅媽謂：「都係食飯囉，通常都係一大班人，舊年就有張學友、羅美薇成大班人食，多啲人開心啲嘛！阿梅年年都有送嘢畀我，咁多年都儲滿咗成兩個保險箱。」
再問到梅媽想不想阿梅有一個伴？她謂：「唔係話想就想，呢啲係緣份，唔係話阿豬阿狗都搵個，呢個圈大把人四十幾歲都未結婚啦！」那麼阿梅現時是否蜜運中？梅媽表示：「拍唔拍拖都係咁㗎啦！邊個冇呀！」
此外，梅艷芳前晚十時左右出現機場，只見她戴着太陽眼鏡，染了一頭啡白頭髮，心情靚靚地由日本返抵香港，阿梅出閘時獨自一人推着幾篋行李，她表示剛由日本度假回港，問她是否一人往旅行？她說：「係呀！」
採訪、攝影：胡比