豪宅市況向好,天后栢景臺上月有4宗買賣,其中3宗由利嘉閣同一個經紀促成,為公司賺取25萬佣金,佢拆帳所得都唔少。
美聯羅國安日前對蘭西講,深水埗普陞閣曾有日籍家庭睇樓,噚日就報料話另一個日籍家庭,用零首期買咗個高層553方呎單位,呎價2278元。佢哋原在荃灣區租住單位,見供平過租而入市。
菱電發展(745)薄扶林學林雅軒,分層單位已售罄,現推出餘下兩伙海景複式單位。至於美聯,有五成由佢哋促成,噚日頒咗個銷售大獎畀美聯。
上周中原城市領先指數,再跌穿40點,報39.8點,為自94年有紀錄以來嘅第三低;而44個成份屋苑嘅呎價,有42個下跌,荔枝角美孚新邨更在一周內下跌12.04%。
舖王鄧成波日前透露,佢嘅百貨連鎖店「買得好」最新動向,由於合作夥伴係實惠(996)創辦人林志誠,蘭西同好多人都以為係同實惠有關,但實惠嘅公關,噚日向蘭西澄清,林志誠已經離開咗實惠,重強調「買得好」同實惠絕對無任何關係,蘭西搞錯了,謹此致歉。
蘭西