麥家琪在電影《偷窺無罪》中扮演璩美鳳成為話題，連台灣電子傳媒亦專程來港訪問她。昨日台灣傳媒問麥家琪關於她十五歲時的裸照被公開一事，與璩美鳳經歷相似時，麥家琪引用璩美鳳的話，說：「唔好喺我傷口度灑鹽，好hurt㗎！」
麥家琪因為拍攝以璩美鳳為藍本的電影《偷窺無罪》，成為香港和台灣傳媒的採訪目標，除了香港報章雜誌大肆報道外，台灣最新一期的《壹週刊》亦是以麥家琪做封面人物。
昨日麥家琪去中環Oasis髮型屋整頭髮和試衫，吸引了三間台灣電子傳媒前來採訪。她在今期《壹週刊》訪問時曾說：「佢（璩美鳳）乜都俾人睇晒啦，重有乜好睇？」
麥家琪又指對方出事後好冷靜為自己鋪路，好識利用時勢及關係，所以不覺得對方可憐，對此璩美鳳曾說：「不要再往我的傷口上灑鹽。」
昨日有台灣記者問麥家琪以前可有和璩美鳳類似的經歷，麥家琪說：「我好細個時有發生過類似嘅情況，好在屋企人好支持我，呢件事對我嘅傷害好大，私隱俾人公開係好刺痛嘅事，又會擔心人哋會點睇自己，但最終呢啲嘢都係要自己去克服。」
記者問麥家琪所講的是否她十五歲時裸照被公開一事，她說：「唔好喺我嘅傷口度灑鹽，好鬼hurt喇，我唔想再講嘞。」
麥家琪又透露因為電影某些情節拍得太大膽，所以電檢處要求《偷》以三級片上映，她說：「我都係啱啱先知呢件事，可能我演得太落力啦，但電影公司為咗要以二級半上映，會不惜剪片。」
採訪、攝影：何永寧