麗新集團主席林百欣連日來就其女兒林明珠欠他逾十億元一事，大動肝火，並表示為追欠款不惜與女兒對簿公堂。昨日大批記者在林明珠位於中環的「藝廊」寫字樓樓下等候，據知林明珠現正透過律師準備發表一份聲明。
林明珠的員工楊小姐昨日接受電話訪問時說：「林小姐（指林明珠）唔會就有關報道發表意見，佢見大家咁辛苦喺公司門口等佢，所以已經叫咗律師草擬一份聲明，今日會傳真畀大家。」
楊小姐續說：「林小姐覺得自己身為中國人，始終唔想將啲家事搬出嚟當新聞咁話畀人知，佢亦唔想傳媒作出一啲不盡不實嘅報道，咁樣對佢同公司都有影響。」楊小姐還表示林明珠在港，但這幾天都沒有返公司。