每當季節交替總令人懊惱，大堆高跟長筒尖頭Boots隨即打入冷宮。炎夏着衫襯衫求無拘無束；簡單舒服始終是大前提。PrintTee、TubeTop又或蝙蝠袖加一條短裙又或短褲，正是女生盡情ShowQuali良機！腳上的Sneakers已着厭了？要應景應節置番對02至Trend涼鞋？
要洞悉02涼鞋潮流，可放眼東洋街頭，妹仔腳上那對夠搶夠Colourful的日版BIRKENSTOCK。
記者：陳嘉文
攝影：周旭文
歐洲人製鞋永遠係技術行先，但日本人就一方面崇拜歷史悠久的老牌公司，貪佢哋百年不倒有真材實料、設計亦夠Classic，但另一方面㗎仔着重花巧噱頭，鍾意將經典改造。今次經過東洋改良後，日本版即時花招多多；賣相更加重潮流！PROVENCE可謂BIRKENSTOCK歷年來的破格作，鞋頭大玩圖案，夠晒搶眼！
透氣版$550
賣相幾Minimal，鞋面設有小孔窿，具透氣功能。BIRKENSTOCK以黑色為最經典，但此款另有白色，計我話重啱夏日。
FREEPORT$590
兩條綁帶設計，帶上同樣釘了小孔窿透氣設計。另有白色。
CANCUN$490
與Freeport相類似，只是換上單帶，令人想起爽健。另有深啡色。
TATAMI係B記另一條Line。炎夏女生大ShowQuali的短裙短褲出籠！襯對Colourful的涼鞋啱晒！
賣相頗似西班牙的CAMPER。GEORGIA採用新科技的PU鞋底，具防震作用。
睇落完全唔認得係B記涼鞋。Denim布永遠係全天候，就連今年一眾時裝大師都勁玩呢科。而一向諗頭多多的日本人實行將「牛」元素發展到涼鞋身上。
02為BIRKENSTOCK經典型號BOSTON的25周年紀念，而日版方面亦有此兩款新色推出。重有，新返的BOSTON比從前更平了$100，認真抵玩！
BIRKENSTOCK的售後服務真一流，着殘着舊了還有換鞋底及維修服務，因為BIRKENSTOCK供應所有製鞋原料，可供世界各國的分銷商提供保你着過世的售後服務。
BIRKENSTOCK的設計可分為6個系列，而在其各系列裏亦有各不同的鞋墊設計；諸如TAMAMI較適合重磅人士穿着；而傳統的BIRKENSTOCK適合身材適中人士等。不過老實講，以上數據未必人人啱使！最穩陣方法，始終係試啱覺得舒適為上策，單靠數據未必一定Work！
售賣點：BIRKENSTOCK專門店
尖沙嘴廣東道30號新港中心地下G21及G22號舖
查詢電話：24168983