黃卓玲因為荷爾蒙失調而暴肥和水腫，胸部由33C變為33E，兼且停經三個月。事件曝光之後，不少朋友都主動聯絡黃卓玲，介紹醫生給她。
黃卓玲說：「最近好多朋友打電話畀我，佢哋好關心我，個個都話介紹醫生畀我，令我好感動。有人提議我食蜂皇漿，但我都係打算睇咗西醫先，如果冇進展先至試其他嘢。」而醫生指黃卓玲最重要是保持心情開朗和要好好調理身體。
黃卓玲現時正在拍攝無綫劇集《繾綣仙凡間》，問她公司可有因為她的病情作特別安排，黃卓玲說：「公司雖然冇話有乜嘢特別安排，但監製徐正康有搵過我傾過偈，了解我嘅病情，我都好多謝佢。醫生話心情好重要，呢樣嘢好難話控制就控制到，惟有盡量唔去諗太多嘢，等自己開心啲。」