雖然夏天未正式來臨，但炎熱的天氣就已經提早降臨；呢個時間，夏日甜品應運而生，而今期小記所介紹嘅生果甜品，該店自稱係深圳首創，有乜特色，大家真係要上去深圳東門品嘗一下，睇吓同香港嘅有乜分別嘞！
記者：梁煒健 攝影：黃子偉
呢款特色甜品，集合嘅生果認真多不勝數，例如有西瓜、芒果、奇異果、蜜瓜、黑珍珠及大西米等生果材料。由於加上芒果醬，香味更濃郁，加上每種生果有其消暑解熱作用，絕對係一種夏日最佳甜品。
擁有咁漂亮名稱嘅甜品，生果配搭自然有其特別。除咗有大西米及小西米外，其主要生果更有芒果肉粒及沙田柚肉粒，材料的確奇特，再加上椰奶，味道異常香濃，但味道則不算太甜，香港人極之適合。
除咗以上特色生果甜品，位於東門步行街嘅為食館茶餐廳，亦推出數之不盡嘅冷熱甜品。例如市面上一般嘅芒果布甸、大菜糕等，售價十分經濟，售價由?6至?8不等；而軟滑香甜嘅芝麻擂沙湯圓，原來喺深圳每客有6粒售價都只係?6咋，十分抵食兼好味。
為食館
電話：（86-755）2359765
地址：深圳市羅湖區東門步行街鴻展廣場二樓
營業時間：早上10:00至晚上12:00
交通：從羅湖關口前往，乘的士前往車程約5分鐘，車費?12.5。