深圳嘅小朋友玩玩具，同香港一樣跟貼日本，尤其動畫《爆旋陀螺》在電視上一播映，深圳市街頭巷尾均見小朋友玩陀螺。產品方面，喺深圳市東門步行街西華宮後門嘅小販區內，陀螺玩具比比皆是；雖然質素參差不及香港正，但因售價以平取勝，加上有特製陀螺又可發聲發光，所以不少小朋友都會買多幾個作玩樂。
記者：梁煒健 攝影：陳盛臣
呢套二合一珍藏版孖裝陀螺以膠箱承載，帶出街玩最方便。最突出係附送兩個陀螺，一大一細，細陀螺因中間部份以金屬製造，所以轉動時較穩；而大陀螺Fing出後則會發光兼發聲，相當好玩，係東門最好賣嘅玩具之首。
由於喺深圳所有陀螺玩具均為老翻貨，所以質素相當參差，但想買到正版就十分困難。正如呢套青翼白龍陀螺，陀螺一樣可發聲兼發光，但因爆旋器膠料差，拉扯時隨時從手掣跌出，質素麻麻。
同樣識得發光及發聲嘅玄武聖獸陀螺套裝，由於只得陀螺及爆旋器，所以要另配手掣唔夠化算，所以喺東門銷售量一般。
由於只得手掣一個並無其他陀螺配件附送，所以淨掣售?8就並不化算。