七月係特區成立五周年，咁啱原來又係民建聯創黨十周年，民建聯班兄弟噚日同八方行家茶敍，講佢哋嘅慶祝大計，原來係喺會展搞個「一國兩制，和平統一」研討會（每張門券三百大元）。
點解慶祝都要搞到咁政治化？主席曾鈺成話，一開始有愛國情懷，其背後就有和平統一嘅意義，民建聯未來十年，當然要望遠啲，重話兩岸關係好，對香港的福祉都有好影響。從來未到過台灣嘅曾主席重話，好想去寶島行番一轉㖭。
早前工聯會鄭耀棠去過台灣，重倡議加強兩地民間交流，𠵱家原本一直以留港建港為口號嘅民建聯又大搞和平統一，唔通中央下咗旨，全部左派政團都轉行做統戰大員？
E-mail：