近一年來，GAMEBOYADVANCE（GBA）喺彩色手提遊戲機市場好似有獨領風騷之勢！至於BANDAI嘅WonderSwanColour（WSC），可能有啲人認為佢嘅主機機能有點不足，所以始終唔能夠對GBA造成重大威脅。
但GBA嘅新挑戰對手終於出現喇！日本BANDAI今個星期公布將會推出新一代彩色手提遊戲機──SwanCrystal；據稱全新SwanCrystal喺畫面質素上提升了不少，首要是改善了以往WSC畫面唔夠光同圖像顯示「矇查查」嘅問題，所以畫面機能將升級至直逼GBA。不過最體貼都係遊戲可以向下兼容，所以WonderSwan啲舊Game都可以喺SwanCrystal玩番。
預計全新SwanCrystal會喺7月12日連同多款專用遊戲推出，而鐵人亦曾向香港代理瑞華行求證過，相信香港將會同日本同步有行貨發售，有興趣不妨留意以下官方網址。
網址：
文：打機鐵人
另外有一則較傷心嘅消息。相信好多家用機迷，就算未去過都應該聽過吓前世嘉代理「新機地」呢個名，據了解佢哋喺旺角零售店終於喺五月頭結束營業啦！
無論大家對該店風評如何，「新機地」的關門都是一件非常可惜的事；一間專賣正版遊戲，兼且一直堅持唔做改機生意的家用遊戲機舖頭，在現今香港Game場可謂「買少見少」，如果大家再唔着力啲支持正版遊戲，相信呢類「正版店」倒閉潮，將會陸續有嚟，到時大家想買正版遊戲，真係難矣！