謝霆鋒早前與王菲分手後，另投張栢芝懷抱，但近日有傳霆鋒與阿菲已復合。昨日霆鋒對復合一事不置可否，反而栢芝透過經理人回應時，不忿地質疑消息來源。而阿菲的經理人則否認她為會霆鋒推卻工作，但對復合不予回應。
謝霆鋒早前單方面宣布與王菲分手，轉投張栢芝懷抱。最新一期《忽然1周》有報道指霆鋒與王菲已復合，霆鋒為箍煲而到成都靜思及吸靈氣，阿菲則為與愛郎共聚不惜推卻到台灣宣傳，二人更計劃稍後齊齊外遊，重拾舊歡。
昨日下午三時許，身穿黑色唐裝衫、頭戴冷帽及穿涼鞋的霆鋒，與助手及司機離開寓所。有傳聞指霆鋒早前完成武漢音樂會後，到成都會高人陳伯兼吸靈氣，而他昨日的一身唐裝打扮，正是陳伯愛穿的服飾。
霆鋒由司機接載往銅鑼灣華懋禮頓廣場，心情甚佳的他透露是去與一位癌症歌迷見面。問霆鋒心情如何時，他說：「心情OK，不過噚晚瞓唔着，眼光光。」再問他是否有很多心事，霆鋒則苦笑不語。
霆鋒與歌迷會面完畢後，便乘車返家，其間被問到是否與阿菲箍煲成功時，霆鋒說：「我唔知乜嘢叫箍煲。」至於被指稍後會與王菲外遊，霆鋒不屑地說：「儍嘅，我今日好開心，因為做咗善事。」
而張栢芝昨日透過經理人公司中國星，就霆鋒與王菲復合一事回應說：「啲記者係咪匿喺人哋床下底？又會咁清楚？人哋分手同復合都知，話承認分手同復合都係記者講，我唔想俾人設計角色，人哋係咪復合係人哋嘅事，我冇權干涉亦唔知道。」
阿菲的經理人陳家瑛昨日則否認王菲重投霆鋒懷抱之說，對於雜誌指阿菲為見霆鋒推卻台灣宣傳行程，陳家瑛說：「點會？如果係都會喺成都見到佢啦，阿菲呢排好忙，要錄音，北京香港兩邊飛，唔會為佢（霆鋒）做咁嘅嘢。」那麼阿菲與霆鋒是否已復合？陳家瑛說：「佢私人嘢我唔理，你問我工作嘅嘢就無任歡迎。」