明天就是一年一度嘅母親節，若然又係飲茶、送康乃馨，媽咪收足幾十年，隨時悶到暈。其實媽咪終日為我哋煲湯、煮飯、掃地吸塵，如果用嘅電器、爐具又殘又舊，就一定事倍功半。想減輕媽咪的負擔，不如趁呢個電器倉開倉，掃定超筍小家電，送畀媽咪表孝心。再加上有燕窩同優惠券贈送，咁實用嘅產品，媽咪一定鍾意。
記者：張穎倫
攝影：林栢鈞
ImageGirl：Marcella
之前出咗唔少電子燉盅安全都有問題，搞到人心惶惶。呢部樂信牌嘅電子燉盅，話晒都係大廠出品，又有原廠保養信心有保證。呢個燉盅採用紫砂內膽，能有效保持食物的原汁原味，而且更設有缺水自動斷電裝置，就算煲乾水都唔怕。另外又設有保溫功效，最啱整燉品及煲靚湯。最正係送埋官燕棧燕窩一盒，等媽咪可以燉盅燕窩潤一潤。
型號：樂信RASP20
容量：2L
貨量：20
街價：$800
開倉價：$538
媽咪每餐飯又要蒸魚，又要燒雞確係辛苦。做仔女嘅想減輕媽咪負擔，可以考慮送部燒烤微波爐畀佢。一來夜歸可以自己翻熱餸菜，唔使媽咪操心，二來微波爐有齊解凍、燒烤、保溫同3種強度加熱功能，煮多幾味都可以一爐搞掂，夠晒方便。再加上呢款微波爐由惠而浦代理，品質、保養都有信心。
型號：意麗AKL543
輸出功率：850W（微波）1000W（燒烤）
內廂容量：20L
貨量：30
街價：$1,098
開倉價：$599
唔好以為媽咪整免治牛肉同剁豬肉餅好容易，不如買部攪拌器畀佢，可以幫佢慳番唔少力。呢部機除咗可以加水濕磨之外，重可以乾磨，非常方便，而且機仔細細，清洗容易。
型號：萬能牌AV4
貨量：50
街價：$336
開倉價：$99
呢款電熱水壺，藍色外殼搶眼靚仔，無線設計使用非常方便。容量亦有1.5公升，小家庭最啱用，再加上打明法國製造，絕非一般雜牌貨可比。
型號：萬能牌AZ1
功率：2000W
貨量：50
街價：$338
開倉價：$99
眾多家務之中，吸塵幾乎日日都要做，但有冇諗過用緊嘅700W吸塵機太殘舊，吸力唔夠，搞到媽咪次次都要彎低腰吸幾次先至乾淨。所以不妨趁今次開倉買部1400W嘅大吸力新機送畀媽咪，塵袋容量高達4.2公升，唔使時時換，夠晒環保。再加埋七重過濾，減少吸塵時排放嘅異味，令媽咪同家人更健康。
型號：萬能牌CL2
貨量：40
街價：$1,398
開倉價：$799
一般平底鑊大大個手柄，收藏非常嘥位。所以呢個火紅點平底鑊就特設可拆除手柄設計，可以同其他碗碟放埋一齊，夠晒慳地方。另一方面，鑊面採用OPTIMAL防黏表層，唔易黐底，而且高度抗磨兼防花，令媽咪煮餸、洗鑊更方便。
型號：特福47056
直徑：28cm
貨量：100
街價：$238
開倉價：$99
$199買一把12吋座枱扇都未必夠，𠵱家以呢個價錢就可以買到一把16吋座地扇，確係好平。功能方面，有齊3段風速選擇、高度調校，風力夠晒強。最啱朝早、黃昏氣溫較低時使用，唔使不停開冷氣，慳番啲電費。
型號：好運達VA200
貨量：100
街價：$498
開倉價：$199
小記報道咗咁多次開倉減價，所有3/4匹窗口式冷氣機，最平都要徘徊喺$1,500嘅水位，跌破$1,300絕對係首次，呢部唔係國產機，而係打明韓國製造嘅名牌三星。02年最新機款，有齊1級能源標籤、抗菌過濾網、12小時時間掣等功能，極之抵用。
型號：三星AW07G2NEA
製冷量：7000BTU
尺寸：W520xH345xD485mm
貨量：30
街價：$1,980
開倉價：$1,298
母親節開倉資料：
名電倉
電話：24938228
地址：荃灣沙嘴道29-35號科技中心10樓1007室
開倉日期：即日起至5月18日
時間：
星期一至六9:00am-6:00pm
星期日11:00am-4:00pm
交通：葵芳葵涌廣場302小巴直達科技中心
＊特價貨品只接受現金，每件貨品如要送貨，需加$80（東涌市再另加$40，離島不設送貨）。
＊燕窩優惠詳情：凡購買任何開倉電器送官燕棧優惠券一張，可在官燕棧買滿一両燕窩時作$50使用。